മുഖം മൂടിയണിഞ്ഞ മനസ്സും,
മാറിയണിയുവാന്‍ സ്വയം വിധിച്ച,
വേഷഭൂഷകളും,ചേഷ്ട്ടകളും...
നികൃഷ്ട്ടമായ ജീവിതത്തിന്‍ നാടകമാടി,
നിഴലിലേക്കൊളിക്കുന്ന ജീവിതങ്ങള്‍..
വര്‍ണാഭമായ കണ്ണുനീര്‍ തുള്ളികള്‍ക്കും,
സഹതാപത്തിന്‍,വെറുപ്പിന്‍ ദൃഷ്ട്ടികള്‍ക്കും..
ചോര പൊടിയുന്ന ജന്മാന്തരങ്ങള്‍ക്കും,
സ്വയം വിധിക്കപെട്ടു ഉരുകുവാന്‍ വെമ്പുന്ന,
നിറങ്ങളില്‍ ചാലിച്ച നിറമില്ലാ ജീവിതങ്ങള്‍...
പാപമോ,പുണ്യമോ വേര്‍തിരിക്കാനാവാത്ത
കാലത്തിന്‍ തിരുശേഷിപ്പുകള്‍..
ദൂരേയ്ക്ക് പായ്ക്കുമ്പോഴും തീരത്തണയുവാന്‍..
മോഹിക്കുവാന്‍,പ്രണയിക്കുവാന്‍
ജീവിയ്ക്കുവാന്‍ വെമ്പുന്ന ജീവിതങ്ങള്‍...
അറപ്പിന്‍ നാണയ വിത്തുകള്‍ വാരി വിതറിയാലും
മുളപ്പിയ്ക്കുവാന്‍ ഇടമില്ലാതെ എരിഞ്ഞു തീരുന്ന
അപൂര്‍ണ്ണ ജന്മങ്ങള്‍....
No comments:
Post a Comment